நீரழிவு நோயாளர்களுக்கான பயிற்சிகள்
நீரழிவு நோயாளர்களுக்கான பயிற்சிகள்
இதில் ஒவ்வொரு தசைகளுக்குமான பயிற்சிகளை நான் சொல்லித் தருகிறேன். இதில் ஆரம்ப கட்டம், இடைநிலை, மற்றும் கடை நிலை பயிற்சிகளாக மூன்று விதமாக பயிற்சிகள் பிரிக்கப்பட்டுள்ளது.
எந்தக் கட்ட பயிற்சியாக இருந்தாலும் பயிற்சி செய்வதற்கு முன் பின்பும் சில அம்சங்களை கவனிக்க வேண்டும்
முதலாவது பயிற்சி செய்யும் நேரம்
காலையில் காலை உணவு அல்லது காலை சிற்றுண்டிக்கு பின்னர் இரண்டு மணித்தியாலத்தின் பின்னர் செய்யலாம்
மாலையில் 4 அல்லது 5 மணிக்கு செய்யலாம்
காலையில் வெறும் வயிற்றில் பயிற்சி செய்யக்கூடாது. ஏனென்றால் சில வேளை உங்களது இரத்தத்தின் சர்க்கரையின் அளவு குறைவாக காணப்படும். பயிற்சியும் செய்ய துவங்கும் போது அது களைப்பை, சோர்வை ஏற்படுத்திவிடலாம்.
காலை சாப்பாடு முடிந்த உடனே பயிற்சி செய்யும் பட்சத்தில் அது களைப்பை ஏற்படுத்துவது மட்டுமல்லாது வயிற்றுக் கொழுவலை ஏற்படுத்தி விடலாம். அதனால் தான் சாப்பிட்டு ஒரு இரண்டு மணித்தியாலத்தின் பின்னர் பயிற்சியை ஆரம்பிக்கலாம்.
மாலை நேரத்தில் ஒரு நாலு ஐந்து மணிக்கு பயிற்சி செய்யும்போது அநேகமாக உங்களுடைய வயிறு வெறுமையாக இருக்கும். மதியம் சாப்பிட்ட காரணத்தால் குறிப்பிடத்தக்க அளவில் ரத்தத்தில் சக்கரையும் காணப்படும்.
தண்ணீர் அவ்வப்போது குடித்துக் கொள்ளலாம்.
இரண்டாவது உடல்நிலை
உடலில் சோர்மானமுமோ களைப்போ இருக்கும்போது பயிற்சி செய்ய வேண்டும் என்ற கட்டாயத்தின் பெயரில் பயிற்சி செய்ய முற்படக் கூடாது. உடல்நிலை சரியாக அமைதியாக இருக்கிற பட்சத்தில் பயிற்சிகளை ஆரம்பிக்கலாம்.
பயிற்சி செய்து கொண்டிருக்கும் போது அரைவாசியில் சோர்வோ, களைப்போ, இயலாமையோ ஏற்படும் போது பயிற்சியை நிறுத்திவிட்டு அடுத்த நாள் தொடரலாம்.
இங்கே முக்கியமான அம்சம் என்னவென்றால் ஒவ்வொரு நாளும் பயிற்சிக்காக நேரம் ஒதுக்குவது தான்.
மூன்றாவது பயிற்சி செய்யும் அளவு
நீங்கள் பயிற்சியின் ஆரம்ப கட்டத்தில் இருந்தாலும், இடைநிலை கட்டத்தில் இருந்தாலும், கடை நிலையில் இருந்தாலும் குறிப்பிட்ட அளவு (உதாரணத்திற்கு ஒரு பத்து தரம் ஒரு பயிற்சியை செய்ய வேண்டும் என்றால்) பத்து தரம் செய்வதற்கு முயற்சி செய்யுங்கள் அதற்கு முடியவில்லை என்றால் எட்டுத்தரமோ, ஐன்டு தரமோ குறிப்பிட்ட பயிற்சியை செய்து கொள்ளலாம்.
பயிற்சியை செய்வதற்கு இலகுவாக இருக்கிறது என்பதற்காக 10 ஐ தாண்டி 15 தரம் 20 தரம் 25 தரம் என்று சொல்லி செய்ய முற்பட கூடாது. இது எனது கண்டிப்பான அறிவுறுத்தல்.
ஏனென்றால் இது உங்களது தசைப்பகுதியில், அடுத்த நாள் பிடிப்பையோ, வேதனையையோ ஏற்படுத்தி விடும். நீங்கள் ஒவ்வொரு நாளும் பயிற்சி செய்வதனை இது நிறுத்த கூடும்.
உடற்பயிற்சியை ஆரம்பித்து செயல்படுத்துவதால் ஏற்படும் நன்மைகள்
நீரிழிவு உள்ள ஒருவராக இருக்கிற நீங்கள் சாதாரணமாக ஏதோ ஒரு வீட்டு வேலை செய்து கொண்டுதான் இருப்பீர்கள் உதாரணத்திற்கு வீடு கூட்டுவது சமைப்பது சிறிய பூந்தோட்டத்தை பராமரிப்பது அல்லது ஒரு வீட்டு தோட்டத்தை செய்வது அல்லது நடைபயிற்சி போவது என்றவாறு உங்களுடைய நடவடிக்கைகள் இருக்கும் அதனை நீங்கள் இது உடற்பயிற்சி தானே என்று சொல்லி என்னுடன் வாதாட முடியாது.
என்னுடைய பயிற்சி முறைகள் ஒவ்வொரு தசைகளையும் வேலை செய்ய வைக்கும். நீங்கள் செய்கின்ற அன்றாட நடவடிக்கைகள் உங்கள் உடலில் உள்ள எல்லா தசைகளையும் வேலை செய்ய வைக்காது.
ஒவ்வொரு தசைக்கும் முறையான பயிற்சியை கொடுக்கும் போது தான் தசைகள் மேம்பட துவங்கும்.
குறைவான இன்சுலினும் வினைத்திறனாக பயன்பட ஆரம்பிக்கும்
ரத்தத்தில் உள்ள அதிகளவான சர்க்கரையை தசைகள் பயன்படுத்த ஆரம்பிக்கும்
இரவில் நல்ல நித்திரை வரத்தொடங்கும்
ரத்தத்தில் கொழுப்புகள் குறையத்தொடங்கும்
இரத்த அழுத்தம் கட்டுக்குள் வரத்தொடங்கும்
மன அழுத்தங்கள் குறைய தொடங்கும்
உங்களை கண்ணாடியில் பார்க்கும்போது உங்களுக்கே ஒரு புத்துணர்ச்சி ஏற்படும்.
குறிப்பு
உடற்பயிற்சி செய்வதற்கு ஆரம்பிக்கும் நீங்கள் ஒரு நீரிழிவு உடைய ஒருவர். எனவே உங்களது தசைப் பகுதிகளுக்கு தேவையான சர்க்கரை, அதாவது சக்தி போதுமான வகையில் ஆரம்ப கட்டத்தில் விநியோகிக்கப்படாது. அத்துடன் நீண்ட நாட்களாக தசைகள் தமது செயற்பாட்டை செய்யாமலோ அல்லது மிகக் குறைந்த அளவிலோ செய்து கொண்டு இருந்திருக்கும். ஆகவே நீங்கள் சாதாரண ஒருவர் போல பயிற்சிகளை வேகமாக அதிக நேரம், அதிக எண்ணிக்கையில் செய்ய முடியாது. அப்படிச் செய்தால் அந்தத் தசைக்கான பாதிப்புகள் அதிகமாக இருக்கும்.
எனவேதான் குறிப்பிட்ட எண்ணிக்கைகளில் குறிப்பிட்ட அளவில் மெதுவாக இயலுமானவரை செய்வதற்கு நான் உங்களை அறிவுறுத்துகிறேன்.
பயிற்சிகள் தொடர்ச்சியாக செய்யச் செய்ய உங்கள் தசைகள் மேம்பட்டு, தேவையான சக்தியை அதாவது சர்க்கரையை ரத்தத்திலிருந்து பெற்றுக் கொள்வதற்கும் அதனை பயன்படுத்துவதற்கும் பழக்கப்படும் ஆகவே இங்கே முக்கியமானது என்னவென்றால், தொடர்ச்சியாக செய்வதும் மெதுவாக செய்வது ஆகும்.
அதாவது ஆமை முயல் ஓட்டப்பந்தயக் கதை போல... ஆமையை போன்று மெதுவாக நகர்ந்தாலும் தொடர்ந்து நகர்ந்து கொண்டே இருக்க வேண்டும் அதுவே உங்களது உடல் ஆரோக்கியத்தை மேம்படுத்திக் கொண்டு வருவதற்கான வழி.
Comments
Post a Comment