நீரிழிவு

நீரிழிவு - Diabetes

நீரிழிவு எனப்படுவது இரத்தத்தில் அளவுக்கு அதிகமாக சீனிச்சத்து காணப்படுகிற நிலையாகும். அறிவியல் ரீதியில் 12 மணித்தியால உணவுத் தவிர்ப்பின் பின் ஒரு டெசிலீட்டர் இரத்தத்தில் 110 மில்லி கிராமை விட அதிக அளவில் சீனி காணப்பட்டால் அதனை நீரிழிவு என்று கருதலாம்.

FBS > 110mg/dl = DM

1 டெசிலீட்டர் = 100 மில்லி லிட்டர்

ஆகவே 1 லீட்டர் = 10 டெசிலீட்டர்

ஒரு மனித உடலில் சராசரி இரத்தத்தின் அளவை 5 லீட்டர் என எடுத்துக்கொண்டால் 50 டெசிலீட்டர் இரத்தம் காணப்படுகின்றது.

சாதாரணமாக FBS 110 mg/dl உள்ள மனிதனில்...

1 டெசிலீட்டருக்கு 110 மில்லி கிராம் படி 50 டெசிலீட்டரில் 5500 மில்லி கிராம், அதாவது 5.5 கிராம் சீனி காணப்படும்.

FBS 160mg/dl உள்ள மனிதனில்...

1 டெசிலீட்டருக்கு 160 மில்லி கிராம் படி 50 டெசிலீட்டரில் 8000 மில்லி கிராம், அதாவது 8 கிராம் சீனி காணப்படும்.

FBS 200mg/dl உள்ள மனிதனில்...

1 டெசிலீட்டருக்கு 200 மில்லி கிராம் படி 50 டெசிலீட்டரில் 10000 மில்லி கிராம், அதாவது 10 கிராம் சீனி காணப்படும்.

ஏதாவது உணவு சப்பிட்ட பின் இந்த அளவு படிப்படியாக இரத்தத்தில் அதிகரிக்கத் தொடங்கும். அதிகரிப்பதற்கான நேரமானது சாப்பிடுகின்ற உணவினைப் பொறுத்து மாறுபடும். இந்த நேரம் நீரிழிவு உள்ள ஒருவருக்கும், சாதாரணமான ஒருவருக்கும் பொதுவானது.

சீனி இரத்தத்தில் அதிகரிக்கும் அதே நேரம் அதனை குறைப்பதற்கான நடவடிக்கைகளையும் உடல் ஆரம்பித்துவிடும். இதற்கான நேரமானது நீரிழிவு உள்ளவர்களுக்கு அதிகமாகவும், சாதாரணமானவர்களுக்குக் குறைவாகவும் இருக்கும்.

இந்தச் சீனியின் அதிகரிப்பானது சாப்பிட்டதுமுதல் 2 மணித்தியாலத்துக்குள் ஒரு சம நிலைக்குள் வந்துவிடும். 2 மணித்தியால சம நிலைக்குப் பின் சீனியின் அளவை அளந்து அதன் அடிப்படையிலும் நீரிழிவு உடையவர்களையும், அதற்கான சாத்தியம் உடையவர்களையும் இனம் காண முடியும்.

ஒரு உணவு சாப்பிட்டு இரண்டு மணித்தியலத்தில் சாதாரணமா ஒருவருக்கு 140 மில்லி கிராம் / டெசிலிட்டர் என்ற அளவிற்கு இரத்தத்தில் சீனியின் அளவு காணப்பட வேண்டும் அவ்வாறு இருந்தால் அவர் சாதாரணமானவர்.

மாறாக 140 இல் இருந்து 200 வரை காணப்படுமாயின் அவருக்கு நீரிழிவு ஏற்படுவதற்கான சாத்தியம் மிகவும் அண்மையில் உள்ளது என்று சொல்லி அர்த்தம். அதுவே சாப்பிட்டு இரண்டு மணித்தியாலத்தின் பின்னரும் இரத்தத்தில் சீனியின் அளவு 200க்கு வரவில்லை 200 விட அதிகரித்து காணப்படுகிறது என்றால் அவருக்கு நீரிழிவு என்று அர்த்தம்.

நீரழிவின் பாரதூரம் இந்த சாப்பிட்டு இரண்டு மணித்தியாலங்களின் பின் காணப்படுகின்ற இரத்தத்தின் சர்க்கரையின் அளவைப் பொறுத்து தீர்மானிக்கப்படும். உதாரணத்திற்கு 200 இருந்தால் நீரிழிவு காணப்படுகிறது அதுவே 260 இல் இருந்தால் நீரழிவு மிகவும் பாரதூரமாக காணப்படுகிறது.

நீரழிவு உள்ளவர்களின் முக்கிய குறிக்கோள் என்னவென்றால் இரத்தத்தில் சீனியின் அளவை குறைவாக பேண வேண்டும். 12 மணி நேர உணவு தவிர்ப்பில் 120 மில்லி கிராம் / டெசிலிட்டருக்கு என்ற அளவில் இருக்கலாம். அல்லது ஒரு உணவு கொண்டு இரண்டு மணித்தியாலங்களில் பின்னர் 200 க்கு உள்ளே சீனியின் அளவை கொண்டு வர வேண்டும். இது இரண்டையும் தொடர்ச்சியாக கடைபிடிக்கும் போது நீரிழிவால் ஏற்படுகின்ற, ஏற்பட போகின்ற சிக்கல்களை தடுத்துக் கொள்ள முடியும் அதிலிருந்து படிப்படியாக வெளியேற முடியும்.

இதனை சாத்தியப்படுத்துவதற்கு முதலாவது சரியான உணவு தேர்வு மற்றும் உணவு உண்பதற்கான நேரத்தின் தெரிவு முக்கியமானது.
இரண்டாவது உடலுக்கு என்று கொடுக்கப்படுகின்ற பயிற்சி முறைகள், உடற்பயிற்சி என்று சொல்லுவோம் அது மிக மிக முக்கியமானது.
மூன்றாவது அத்தோடு இது ஒரு மிக மிக முக்கியமான ஒரு விடயம் கூட அது என்னவென்றால் எண்ண ஓட்டங்கள் அல்லது மனநிலை. இந்த இந்த மனநிலை சாந்தமாக அல்லது அமைதியாக இல்லாத இடத்தில் இரத்தத்தில் சர்க்கரையின் அளவு அதிகமாகவே காணப்படும்.
அடுத்து இதற்கான மருத்துவ முறைகள் ஒரு சிறிய பங்கை வகிக்கும்.

என்னிடம் ஒருவர் நீரிழிவுக்காக மருந்து ஏதும் இருக்கிறதா என்று சொல்லி வந்திருந்தார். நான் அவரிடம் ஒரு பதில் வழங்கினேன். நேரிழிவுக்கான மருந்து என்னிடம் இல்லை அது உங்களிடம் தான் இருக்கிறது. அதாவது மருந்து கால் பங்கு என்று சொன்னால் மதி முக்கால் பங்கு என்று சொல்லுவார்கள் பழமொழி. அதன் அர்த்தம் உங்களது நடவடிக்கைகள் வாழ்க்கை முறைகள் தான் முக்கால் பங்கு உங்களுடைய நோயை குணமாக்கும். மருந்து ஒரு கால்வாசி தான் உங்களுக்கு அதற்கான ஒத்துழைப்பை வழங்கும்.